Isuratken: Manangar C. Marpaung
Kerna “Lau”,
ibas Kidung Senina Matahari, ayat 7, bagenda ikataken: “Terpuji me Kam,
Tuhanku, erkiteken Turang Lau; bage belinna kiniulinna, tetap merendeh, meherga
ras murni”.“Lau” ije e me sada ibas 4 (empat) jenis zat si ikataken ibas
Kidung (taneh, udara, angin).
Turang
Lau”
Ibas penggelarenna e, “Lau” igelari Fransiskus “turang” (femininum, sabap “Lau”
ibas calap Latin ras Italia emkap femininum). Alu pengataken bage ncidahken
maka “Lau” igejapken ras ibahanna Fransiskus selaku“turang”, bagi uga zat si
deban igejapken ras ilebuhna si bagi “senina” ras “turang”. Penggejapen ras
perlakun kempak tinepa (selaku “senina” ras“turang”) e me nandaken maka tinepa
e bali ganjang ras hagana ras manusia, gia Fransiskus jine ngakui, bagi uga
nina Pusataka Sibadia, lit kelebihen manusia ras tinepa. Rikutken penggermeten
Fransiskus, kerina tinepa Dibata e me “imago Dei” (tempas Dibata) labo manusia
jine ngenca tapi kerina tinepaNa. Jadi, i je tangkas “persapih-sapihen” idur
manusia ras kerina makhluk. Anem bage, penggelaren “turang” e pe nuduhken
“kinibapaan” raduken kerina tinepa Dibata. Dibata e kap Bapa si tonggal, janah
kerina tinepaNa e “ersenina” ras“erturang”. Jadi, “kini sapih-sapihen” ras
“kinier-Tuhanen”tangkas i je.
Biak
Lau.
Rikutken perkatan ibas Kidung e, lit kap
dua biak Lau, e me “merendeh” ras “murni”. Selako biak “merendeh” ertina Lau e
tetap maler ku ingan si meteruk. Tuhu si e banci nge ikataken hukum alam tah pe
kodrat, Lau tetap lawes ku ingan si terteruken. Fransiskus nggejapken si e ras
nggermetisa. E maka kepentarenna kerna si e sikap ras mbages. La kap iantusina
si e terjeng enggo biakna bage, bage me itentuken nai-nai nari, tapi iantusina
terdauhen ras terbagesen: Lau nusur idur ingan si meganjang ku ingan si
tertruken bagi Tuhan idur ingan si meganjang ku doni enda, ingan si meterukna
kal. Kata sipat si ipake ije e me“umile” ibas cakap Italia, ras “humilis” ibas
cakap Latin. Kata sipat tah pe attribut-na e semalna ipake kempak manusia ras
kempak Tuhan. Tapi, Fransiskus jine makesa kempak“Lau”. Enda ncidahken antusen
“sakramental” “Lau”e, si tuhu-tuhu tangkas man Fransiskus.
E maka, biak Lau si peduken emkap “murni”. Kata si ipake Fransiskus e me “casta”.
Sue ras penggermeten Fransiskus melihat Lau e bersih, jernih, polos,
transparan. Janah memang bage. Em Lau. Ibas dirina nari Lau e la melket, la
megembur, la “terkontaminasi”. Anem pe jadi bage, sideban kap si mada ulah:
manusia, taneh, angin, rsb. Ibas dirina nari la lit si melket ibas Lau. Melke
erlawanen ras Lau. Situhuna kata Acasta@ (“murni”) e me kata sipat si ipake Fransiskus
semalna igeunaken kempak pusuh. Ras ia jine tuhu-tuhu tegas kerna kemurnin
pusuh(Acuore puro@). Ibas ercakap kerna kaul kemurnin, ia kurang tah pe labo
ngerana kemurnin seksual, tapi kemurnin pusuh. Tuhu, tangkas kap maka bagesen
ras belangen nge pengertin kemurnin pusuh asangken kemurnin seksual tah pe selibat.
Bagi Lau, e me Fransiskus ngantuskensa kerna si e. Lau e, ibas dirina nari jadi
saksi kerna kemurnin pusuh. Tuhu-tuhu mbages Fransiskus kerna Lau.
Lakon
Lau
Ibas kutipen Kidung i datas, tangkas me maka lit lakonna “Lau”, e me “mehuli”
(“maba kiniulin”)ras“merherga”.Mungkin, lakon Lau si dua e
banci isiksiki alu pengantusen, kiniergunan Lau. me selaku inemen. Adi la lit
lau inemen maka mate me jelma. Ibas sada paksa, berkat me ate Fransiskus ku
sada pertapan guna “kontemplasi”. Erkiteken badanna lemah, maka ipindona gelah
itaruhken sekalak si musil ia alu keldena. Ibas perdalanen, muas kal iakap
kalak si musil e ras alu megang erlebuh ia man Fransiskus. Megi si e, Fransiskus
langsung nusur i kelde nari janahna erjimpuh ertoto man Tuhan. Dung ia ertoto,
isuruhna kalak si musil e lawes ku sada batu i bas ingan e ija lau lit ije
nembur alu la iarap-arap. (LM VII,12; pe 2Cel 46; 3Cel 15-16; Lm V Lez III). Idur
kejadin e nari teridah me maka Lau e sada keperlun si pematang. Tapi, seakatan
si e, tangkas kap maka Lau e pemere si “gratis” ibas Tuhan nari.
E maka, lit denga ka kegunan Lau e, ibas sada kejadin, si e pe sada tanda
sengget kap, ibas pengalamen Fransiskus, Lau emkap sada kite-kite pepalemken. I
Propinsi Rieti, pernah jadi laya-laya (epidemi) si mejin nerang melala lembu
ras biri-biri. Lit kap kalak si ndatken pengenehen gelah ibas sada berngi
berkat ndahi Fransiskus i pertapanna. Berkat me kalak e ndahi Fransiskus ras
ialokenna Lau perburihen tan ras nahe Fransiskus. Lau e ipirpirken kempak
asuh-asuhen anak kuta e, ras selamat me asuh-asuhenna e.
Antusen
Lau
Subuk ibas erti “riil” Lau (bersih, jernih, polos, transparan) ras ibas antusen“simbolis” (tanda pemungkuken manusia man Tuhan) iidah Fransiskus ibas
pengalamengeluhna. Seakatan erti si e, Fransiskus nggejapken Lau, selaku
sapih-sapih tinepa, selaku kite, dalan, teman, ras turang ibas muji-muji Tuhan.
Iiyahkenna tep-tep makhluk gelah ras-ras muji-muji Tuhan. Lau pe ikut
iiayahkenna (1Cel 81).
Rikutken pengantusen Fransiskus e, lit ka erti kiasen Lau. Lau e me erti kiasen
isi Berita Simeriah. Ibas 1Cel 89 ikataken maka Fransiskus, arah pebelangken
Berita Simeriah, “pepaler Lau Berita Simeriah ku belang-belang doni”. Jadi, Berita
Simeriah e, tah pe ulin adi ikataken isi Berita Simeriah e, tah pe Tenah Berita
Simeriah e, ikatakenna sibagi Lau si ipepaler ku kerina doni, gelah doni
ibentasi, ibahan ermalem ate ras ipegeluh, ras seterusna.
Rangkumen
Si jadi isi ibas penggermeten Fransiskus kerna lau e me ibas empat poin si
idatas. Man bana, Lau e me tinepa Dibata si ilebuhna pe guna muji Ia. Sorana
sangana luncang tah pe erkercek-kercek sangana maler e me sorana muji Tuhan.
Lau e murni ras “transparan”, ras jadi tanda kemurnin ras “transparansi” Tuhan jie
ibas Kristus. Lau e kap si nungkat-nungkat kegeluhen kerina makhluk, ras adi la
lit ia (lau) kegeluhen enda ngadi me. Seakatan erguna ibas diri, Lau pe
nandaken Sinepa, terutama ibas penungkuken ras keteruken ukur. (Blog JPIC Kapusin Medan, Iterjemahken Betlehem Ketaren.
Tidak ada komentar:
Posting Komentar