NARKOBA RAS ERBAGE-BAGE ULAHNA

Antusen Narkoba

Narkoba e me kap kata si ipegendek idur kata “Narkotika”, “Pshikotropika” ras “Obat-obaten” si erbahaya man jelma. Adi narkoba e  igunaken alu la payo lit nge dampar si tuhu-tuhu la mehuli man kalak  singgunakenca. Erdandanken si e pemerintahna ngaturken ibas undang-undang no. 35 tahun 2009 em kap ngaturken kai kin narkoba e, bage pe iatur uga arus pemkaian narkoba janah ukumen man kalak si terlibat ibas ja nge lit kenca, si ngedarkenca, bage pe ras si nggunakenca.

Narkoba si ikataken ibas  istilah kesehatan igelari Napza  (Narkotika, phsikotropika ras zat adektif)  e  lit jat ibas si banci ncedai kesehaten adi igunaken la sue ras ukuren bage pe cara si itentuken petugas kesehaten. Erdandenken si e adi sekalak jelma nggunakenca, nina para ahli kesehaten ngataken maka erkiteken si e kekebalen kula kurang janah perukurenna pe lanai mehuli.

Em sabapna kalak si nggit nggunaken narkoba alu la payo, kalak e mesukah nge kena pinakit janah salah sada penakit si seh ngayaksa genduari nina ahli kesehaten  langa lit dat tambar si mesinting lako pepalemsa emkap pinakit HIV/Aids.

Janah jelma si nggunaken narkoba e sue ras penelitin ngataken maka  kegeluhen na lanai normal ija si e teridah ibas   lagu langkah, perukuren ntah pe kengasupen ibas njaga diri terlebih ibas emosina si la tetap. Ertina, adi sekalak jelma nggunaken narkoba maka damparna si la mehuli man bana  mbelin kel.

 Erdandanken narkoba erbahan sada dampar la payo si seh kal mbelin man jelma  e maka pemerintah ngaturken  peredaren narkoba janah ibahan    jadi salah sada musuh si arus iperangi. Ise pe si terlibat ibas Narkoba   arus i ukum sabap narkoba e ncedai kegeluhen seyakatan  guna kepentingen kesehaten sangana sekalak jelma nandangi operasi ija iperluken jadi obat bius umpamana.

Erbage-bage Narkoba

Sue ras UU no 35 / 2009 si ikataken narkoba e me kap  igelari narkotika ras phsikotropika. Janah  si igelari  Narkotika e me kap

 Opium tah pe Opioid tah pe Opiat tah pe Candu, Codein tah pe Kodein, Methadone (MTD), LSD tah pe Lysergic Acid tah pe Acid tah pe Trips tah pe Tabs, PC, Mescalin, Barbiturat, Demerol tah pe Petidin tah pe Pethidina, Dektropropoksiven ras Hashish.

Janah si igelari Phsikotropika e me kap  Ekstasi tah pe Inex tah pe Metamphetamines, Demerol, Speed, Angel Dust, Sabu-sabu(Shabu/Syabu/ICE), Sedatif-Hipnotik(Benzodiazepin/BDZ), BK, Lexo, MG, Rohip, Megadon ras Nipam. Istilah si deban na igelari ganja, morphin ras kokein .

      Erdandanken ganja mesukah kel nge nuankenca, e maka lit ka nge si pang  nuansa alu pengarapen banci ka ia lampas bayak amin na gia la iukurina uga beratna ukumen erdandanken perbahanen na e. Ibas catatan penulis piga piga tahun si enggo lepas Tanah Karo lanai jadi aluren peredaren ganja  si reh arah Aceh Tenggara tapi enggo ka lit i tangkap petugas kepolisian guna ipenjaraken erdandanken enggo ngelanggar perundang-undangen  narkoba .

      

Ukumen Man Si nggunaken Narkoba

Adi si torosi kerna UU no 35 /2009 emkap si ngaturkenca kerna narkoba enda, kerna uga ukumen man kalak si terlibat kerna narkoba  mberat kel nge situhuna. Ikataken ije pelakuna banci iukum mate ntah peiukum  sedekah geluhna  janah denda  ermilliyar rupiah ka.

Ibas pasal-pasal na lit ka iaturken labo pelaku peredaran, si erdaya bage pe si nggunakesa tpi kalak si meteh ntah pe ngidah pe adi la ngelapur banci ka nge ituntut. Umpamana orang tua si meteh anak-anak si langa mbelin (dibawah umur)  lit nggunaken narkoba tapi la ngelaporkenca banci ka nge ipenjaraken.(pasal 128 UU No 35/2009.

               

Kerna uga perbahanen si banci iukum kerna narkoba janah uga tosrosen peradilenna, si banci ituriken emkap kerna piga-piga pasal kerna perbahanen ras ukumen man kalak si terlibat ku bas narkoba.

Ibas pasal Pasal 131 ikataken ije tep tep jelma alu sengaja la ngaloporken lit tindakan pidana bagi siaturken Pasal 111, Pasal 112, Pasal 113, Pasal 114, Pasal 115, Pasal 116, Pasal 117, Pasal 118, Pasal 119, Pasal 120, Pasal 121, Pasal 122, Pasal 123, Pasal 124, Pasal 125, Pasal 126, Pasal 127 ayat (1), Pasal 128 ayat (1), ras Pasal 129 ikataken kerna si ngelakoken kejahaten kerna narkoba e banci ipidana penjara si ndekah na 1 (sada ) tahun ntah pe pidana denda Rp50.000.000,00 (lima puluh juta rupiah)  si mbue na. Maksud na ije gelah kerina lapisen masyarakat ikut ertanggungjabap  guna ngkernepken narkoba enda nge e.

               

Erdandanken  si terlibat ngelitken, ngedarken ntahpe kalak erdaya narkoba enda janah kalak si nggunakenca  emkap salah sada kejahaten sibanci iukum alu mberat bage ka pe kalak si make narkoba ngerehken pinakit ntahpe lagu langkah ras perukuren si la mehuli  E maka la lit kata si deban segelah narkoba ikernepken janah si pedauhlah dirinta ibas kerina si terkait kerna  narkoba e  terlebih man generasi muda si jadi generasi penerus.......mbera-mbera.

(just purba)